बिहीबार आएको विगत ६० वर्षयताकै सबैभन्दा ठूलो बाढीका कारण नाइजेरियाको मोक्वा शहरमा मृत्यु हुनेको आधिकारिक संख्या २०० भन्दा बढी पुगेको छ। यी शव भेटिएका मृतक मात्र हुन् । शव नभेटिएका बेपत्ताहरूलाई यसमा गणना गरिएको छैन ।
मध्य नाइजर राज्यको उक्त शहरमा अझै पनि ५०० भन्दा बढी मानिसहरू बेपत्ता छन् तर स्थानीय अधिकारी मोसेस किम्बोकुले बीबीसीलाई उद्धार कार्यहरू रद्द गरिएको बताए किनभने अधिकारीहरूले अब कोही पनि जीवित नभएको विश्वास गरेका छन् ।
यसको अर्थ ७०० भन्दा बढी मानिसहरूको मृत्यु भइसकेको अनुमान गरिएको छ। मोक्वा जिल्ला प्रमुख मुहम्मदु अलियुले भने ‘अधिकारीहरूले चाँडै नै बाढीमा फसेका शवहरू हटाउन सुरु गर्नेछन् ताकि क्षेत्रमा रोग फैलिन नपाओस्।’
यो बाढी यस क्षेत्रमा पछिल्लो ६० वर्षमा आएको सबैभन्दा ठूलो बाढी भएको बताइएको छ। यसअघि, आपतकालीन व्यवस्थापन एजेन्सीले मोक्वा शहरको टिफिन माजा र अंगुवान हौसावा जिल्लामा बाढीबाट सबैभन्दा बढी क्षति भएको बताएको थियो।
नाइजेरियाले २०२२ मा पनि ठूलो बाढीको सामना गर्नुपरेको थियो, जसले गर्दा लगभग १३ लाख मानिसहरू आफ्नो घर छोड्न बाध्य भए र ६०० भन्दा बढी मानिसहरूको मृत्यु भयो।
